“Şanslar bərabərdir” – Tino Peres

Futzal üzrə Azərbaycan millisinin baş məşqçisi Tino Perez DÇ-2016-nın play-off mərhələsinin püşkünün nəticəsini dəyərləndirib.

Qol.Az-ın məlumatına görə, affa.az saytına açıqlama verən ispaniyalı mütəxəssis şansları bərabər hesab etdiyini deyib:

"Hollandiya yığmasının heyətində Mərakeş əsilli futzalçılar çoxluq təşkil edir. Komandanın oyun dəst-xətti haqda geniş məlumata sahib deyilik, amma birinci oyuna qədər lazımi informasiyanı əldə edəcəyik. Yalnız son oyunlardakı nəticələri haqda məlumatlıyıq. Şanslara gəldikdə, 50-nin 50-yə - bərabər dəyərləndirirəm. Birinci oyundan sonra yekun fikir bildirmək olar. İlk oyunu səfərdə keçirəcəyik ki, bunu da komandamız üçün əlavə üstünlük hesab edə bilərik”.

Qeyd edək ki, Hollandiya – Azərbaycan oyunu martın 22-də keçiriləcək.
www.ann.az