"Qalatasaray"ın yeni baş məşqçisi məlum oldu

"Qalatasaray" futbol komandasının yeni texniki direktoru məlum olub. ANS PRESS-in məlumatına görə, klub rəhbərliyi Orxan Atikin lisenziyasının klubu yalnız iki oyuna çıxara biləməsinə kifayət etdiyi üçün, həmin oyunlardan sonra kağız üzərindəki yeni texniki direktorun Jan Olde Riekerink olmasına qərar verib. Klubun başında "Gənclər birliyi" ilə oyunundan etibarən Jan Olde Riekerink olacaq. Orxan Atik ve Taffarelin vəzifələləri əvvəlki şəkildə davam edəcək.

Orxan Atikin sonuncu dəfə, "Başakşəhər" ilə baş tutacaq oyunda kağız üzərində komandanın başında olacaq. Gələn həftə "Gənclərbirliyi"komandası ilə keçiriləcək oyuna isə futbol klubunu Rierink çıxaracaq. Ancaq "Gənclərbirliyi" ilə matçın heyətini Atik müəyyənləşdirəcək.   

Qalatasarayın hollandiyalı ulduzu Sneyderin təklifi ilə klubun başına gətirilən Riekerink, artıq klub rəhbərliyi ilə də görüşüb və Qalatasarayın bütün yaş qruplarının oyunlarını izlədiyini bildirib. 

 

"Qalatasaray" klubunun rəsmiləri baş məşqçi Mustafa Dənizlinin istefasını mart ayının 1-də qəbul edib. Bu barədə klubun rəsmi saytı xəbər verib.
Dənizlinin istefasından sonra klubu Türkiyə Kubokunun "Akhisar Bələdiyyəspor" oyununa Orxan Atik çıxarıb. Atik "Qalatasaray”ı Super Liqanın "İstanbul Başakşəhər"lə bu günki oyununa da çıxaracaq.

Qeyd edək ki, üç ay əvvəl kluba baş məşqçi gətirilən Dənizli etimadı doğrultmayaraq komandanı "qara zolaqdan" çıxara bilməyib. Artıq Avropa kuboklarından kənar qalan "Qalatasaray" çempionluq şansınıda itirib.