Həsən Şaş da "Qalatasaray"ın təklifini rədd etdi

"Qalatasaray"ın əfsanəvi müdafiəçisi Ergün Penbe sabiq komandasının yaşadığı baş məşqçi problemi haqda danışıb.

Qol.az-ın məlumatına görə, Pənbə "TRT Spor"a açıqlamasında "Cim Bom"un Yan Olde Rikerinkdən öncə üç mütəxəssislə görüşdüyünü, ancaq tərəflər arasında razılıq əldə olunmadığını bildirib:

"İlk öncə Bülənt Ündərə baş məşqçi vəzifəsi təklif edildi. Ancaq o təklifi qəbul etmədi. Daha sonra Bülənt Qorxmaza 1,5 illik müqavilə təklif olunsa da, sonradan bu müddət 9 həftəyə endirildi. Bülənt Qorxmaz da rəhbərliyə güvənmədiyini və verilən sözün yerinə yetirilmədiyini əsas gətirərək 9 həftəlik təklifi rədd etdi.

Son olaraq komandanın sabiq futbolçusu Həsən Şaşla danışıqlar aparıldı. Ona baş məşqçi təyin edilən Rikerinkin köməkçisi olmaq təklif edildi. Lakin Həsan Şaş "mən gəlsəm, öz heyətimlə gələrəm" deyərək "Qalatasaray"ın təklifini rədd edib".

Qeyd edək ki, daha öncə "Qalatasaray"da aşağı yaş qrupları üzrə mütəxəssis kimi çalışan Yan Olde Rikerink dünən komandanın baş məşqçi vəzifəsinə gətirilib.
www.ann.az