Xorvatiya 1/8 finalda, Türkiyə şansını saxladı

Qol.az-ın məlumatına görə, D qrupunda iki oyun keçirilib.

Turnirə olduqca uğursuz başlayan Türkiyə millisi qrupda son matçına çıxıb. Fatih Terimin komandası Çexiya ilə üz-üzə gəlib. "Ay ulduzlular" 2:0 hesabı ilə qalib gələrək 1/8 finala çıxmaq şansını saxlayıb. Türklər digər qruplardakı nəticələri gözləməlidir. Cəmi 1 xal toplayan Çexiya millisi isə turnirlə vidalaşıb.

Qrupun digər görüşündə Xorvatiya son Avropa çempionu İspaniya ilə münasibətlərinə aydınlıq gətirib.  Qrup lideri olan ispanları bu matçda heç-heçə də qane edəcəkdi. Lakin xorvatlar güclü rəqibinə qalib gələrək (2:1) qrup liderliyinə yüksəlib. 

D qrupu

23:00. Çexiya – Türkiyə - 0:2 

Qol: Burak Yılmaz, 10 (0:1), Ozan Tufan, 65 (0:2)

Baş hakim: Villaim kollum (Şotlandiya)

Yan xətt hakimləri: Damien Makqreyt (İrlandiya), Fransis Konnor (Şotlandiya)

Əlavə köməkçi hakimlər: Bobbi Maden, Con Biton (hər ikisi Şotlandiya)

Dördüncü hakim: Sergey Lapoçkin (Rusiya)

Lans. "Bollart-Delelis" stadionu.

23:00. Xorvatiya - İspaniya - 2:1 

Qol: Alvaro Morata, 7 (0:1), Kaliniç, 45 (1:1), Perişiç, 87 (2:1)

Baş hakim: Byörn Kuypers

Yan xətt hakimləri: Sander van Roekel və Ervin Zeinstra 

Əlavə köməkçi hakimlər: Pol van Boekel (hamısı Hollandiya)

Dördüncü hakim: Viktor Kaşşai (Macarıstan)

Bordo. "Bordo" stadionu.