UEFA: "Almaniya AVRO-2024-ə ev sahibliyi edə bilər"

 

"Report"un məlumatına görə, bu barədə UEFA-nın baş katibi Teodor Teodoridis açıqlama verib.

8 il sonra keçiriləcək qitə turnirinə ev sahibliyi etmək üçün Almaniyanın əsas namizədlərdən biri olduğunu bildirib: "Hələlik biz Almaniyadan maraq və Şimali Avropa ölkələrinin birgə ərizəsini görürük. Türkiyə ilə bağlı vəziyyət isə aydın deyil".

Qeyd edək ki, apreldə Norveç, İsveçrə, Danimarka, Finlandiya, İslandiya və Farer adalarının qitə turnirinə ev sahibliyi etmək üçün namizədliyini irəli sürdükləri açıqlanıb. AVRO-2020 isə 13 fərqli şəhərdə keçiriləcək. Həmin turnirdə Bakı 4 oyuna ev sahibliyi edəcək. Bunlardan 3-ü qrup, 1-i isə 1/4 final mərhələsinin oyunu olacaq.