Rüstəm Orucov: Rəqibim məni aldatdı

Oxu.Az xəbər verir ki, Azərbaycan yığmasının hesabına ilk medalı əlavə edən idmançımız onu dəstəkləyənlərə öz təşəkkürünü bildirib:

"Hər kəsə təşəkkür edirəm. Məni dəstəkləyən hamıya minnətdarlığımı bildirirəm. Atama da, anama da "çox sağ olsunlar” deyirəm ki, məni cüdoyla məşğul olmağa qoyublar. İlk medalı qazandığım üçün çox sevinirəm. Finaldakı rəqibimə gəlincə, onun necə idmançı olduğunu bilirdim. Hələ Bakıda olanda düşünürdüm ki, bu yapon cüdoçusu finala çıxacaq. Hətta onun üçün müəyyən hazırlıqlar da keçmişdim. Görünən odur ki, rəqib də çox ciddi hazırlaşmışdı. Mənə imkan vermədi. Özü də məni aldatdı”.