"Beşiktaş" məğlubiyyətdən yaxa qurtardı, "Barselona"dan qələbə

Sport7.az xəbər verir ki, azərbaycanlı azarkeşlərin də diqqəti İstanbula, "Beşiktaş" - "Benfika" qarşılaşmasına yönələcək. İstanbul təmsilçisi evdə 3 xal qazanacağı təqdirdə növbəti mərhələ şanslarını artıracaq. B qrupunun digər oyununda isə İtaliyada "Nappoli" və Ukrayna "Dinamo"su üz-üzə gələcək. 

A qrupundakı oyunların formal xarakter daşıdığını demək olar. Çünki İngiltərənin "Arsenal" və Fransanın PSJ klubu növbəti mərhələyə vəsiqəni təmin edib. Sadəcə qalan iki turda bu qrupda lider müəyyənləşəcək və Avropa Liqasına yollanacaq komandanın kimliyinə aydınlıq gələcək. 

C qrupunun lideri olan İspaniya "Barselona"sı sonuncu pillədə qərarlaşan Şotlandiyanın "Seltik" klubunun qonağı olacaq. "Barsa" böyük ölçüdə növbəti mərhələni təmin etsə də, bugünkü bir xal belə bunu rəsmiləşdirəcək. 

Digər oyunda isə Almaniyanın Münxenqladbax "Borussiya"sı İngiltərənin "Mançester Siti" klubunu qəbul edəcək. "Şəhərlilər" də ən azı bir xal sayəsində növbəti mərhələni rəsmiləşdirmiş olacaq.

D qrupunda da oyunlar yalnız lideri və Avropa Liqasına gedəcək komandanı müəyyənləşdirmək əhəmiyyəti daşıyır. İspaniyanın "Atletiko" və Almaniyanın "Bavariya" klubu liderlik mübarizəsi aparırsa, Rusiyanın "Rostov" və Hollandiyanın PSV klubu üçüncülük üçün yarışır.

A qrupu

"Arsenal” (İngiltərə) – PSJ (Fransa) - 2:2

Qollar: Jiru, 45 (pen.), Veratti, 60 (öz qapısına) - Kavani, 18, Moura, 77

 

"Ludoqorets” (Bolqarıstan) – "Bazel” (İsveçrə) - 0:0

B qrupu

"Beşiktaş” (Türkiyə) – "Benfika” (Portuqaliya) - 3:3

Qollar: Cenk Tosun, 58, Quaresma, 82 (pen.), Abubakar, 89 - Quedeş, 10, Semedo, 25, Feysa, 31

 

"Napoli” (İtaliya) – "Dinamo” (Kiyev, Ukrayna) - 0:0

C qrupu

"Borussiya” (Mönhenqladbax, Almaniya) – "Mançester Siti” (İngiltərə) - 1:1

Qollar: Raffael, 23 - David Silva, 45

 

"Seltik” (Şotlandiya) – "Barselona” (İspaniya) - 0:2

Qollar: Messi, 24, 55

D qrupu

"Rostov” (Rusiya) – "Bavariya (Almaniya) - 3:2

Qollar: Azmun, 44, Poloz, 50, Noboa, 67 - Duqlas Kosta, 36, Bernat, 52

 

"Atletiko” (İspaniya) – PSV (Hollandiya) - 2:0

Qollar: Qameyro, 55, Qrizman, 66