"Qarabağ" gerilədi - UEFA-nın reytinqi

Qol.Az-ın qurumun saytına istinadən yaydığı xəbərə görə, Avropa Liqasının qrup mərhələsinin V turunun oyunlarından sonra siyahıda müəyyən dəyişiklik baş verib.

Ötən tur irəliləyərək 99-cu pilləyə yüksələn "Qarabağ” bu dəfə 5 pillə geriləyərək 104-cü yerə düşüb. Komandanın aktivində 18,050 xalı var.

Bu enişə Ağdam təmsilçisinin səfərdə "Slovan”a uduzması (0:3) səbəb olub.

Bakıda "Anderlext”ə uduzan (1:3) "Qəbələ” isə 1 pillə geriləyərək 7,800 xalla 182-ci pillədə qərarlaşıb.

Qeyd edək ki, siyahıya 159,256 xalla Madrid "Real”ı başçılıq edir. "Bavariya” 147,099 xalla 2-ci, "Barselona” isə 144,6256 xalla 3-cüdür.