Ramil Şeydayev sərt reaksiya: "Belə işlərə burnumu soxmalıyam?"

Unikal.org xəbər verir ki, Ramil 81-ci dəqiqədə qoşulduğu oyundan sonra Rusiya mətbuatına açıqlama verib:

"Heç nə edə bilmədik, nəticədə uduzduq. Hava topları uğrunda mübarizələrdən qalib ayrılmalı, sıx oynamalı idik. İnanıram ki, gələcəkdə daha yaxşı olacaq. Artıq bir həftədi komanda ilə çalışıram. Oynamağa hazıram. Baş məşqçimiz nə desə, o da olacaq".

22 yaşlı hücumçu "Krılya Sovetov”un Rusiya Premyer Liqasının saytında göstərilən heyətində özünün Rusiya vətəndaşı kimi təqdim olunması ilə bağlı suala əsəbi cavab verib:

"Bu barədə bilmirəm, rəhbərlikdən soruşun. Mən futbolçuyam, belə işlərə burnumu soxmalıyam?"