Premyer Liqada III turun oyun CƏDVƏLİ

Misli Premyer Liqasında III turun oyun cədvəli məlum olub.
 
Görüşlər üç günü əhatə edəcək.
 
Birinci turun açılış matçı avqustun 19-da "Şamaxı” – "Səbail” komandaları arasında olacaq. Şamaxı şəhər stadionunda oynanılacaq qarşılaşma saat 16:30-da başlayacaq. Avqustun 20-də "Sabah” öz meydanında "Neftçi”ni qəbul edəcək. "Bank Respublika Arena”da keçiriləcək matç saat 20:30-da başlayacaq.
 
"Kəpəz” – "Qəbələ” komandaları arasında matç isə avqustun 21-də təşkil olunacaq. Oyuna Qəbələ şəhər stadionunda saat 18:00-da start veriləcək.
 
Tura "Dalğa Arena”da keçiriləcək "Zirə” – "Sumqayıt”ın oyunu ilə yekun vurulacaq. Oyunun startı 20:30-da veriləcək.
 
Gəncə şəhər stadionu Premyer Liqa oyunlarını keçirməyə hazır olmadığına görə "Kəpəz” növbəti məlumata qədər ev görüşlərini Qəbələ şəhər stadionunda keçirəcək.
 
 "Qarabağ”ın müraciəti, "Turan Tovuz”un razılıq məktubuna əsasən, "Qarabağ”ın Çempionlar Liqasının pley-of mərhələsindəki oyunlarının ölkə idmanı üçün əhəmiyyətini nəzərə alan PFL 3-cü turun "Turan Tovuz” – "Qarabağ” qarşılaşmasının təxirə salınması qərarını qəbul edib. Oyunun vaxtı barədə əlavə məlumat veriləcək.

www.anews.az