Olimpiya çempionu Kostomarov tədricən sağalır, irəliləyişlər var

Buz rəqsi üzrə 2006-cı il Olimpiya çempionu Roman Kostomarov tədricən sağalır, vəziyyəti yaxşılaşıb. Bu barədə "İzvestiya” məlumat yayıb.

Nəşrin mənbəsinin bildirdiyinə görə, idmançı bir neçə plazmaferez prosedurundan - qanın təmizlənməsindən keçib. Qeyd olunur ki, bir həftə əvvəl həkimlər skaterin ikinci insult keçirdikdən sonra onun şansını 50/50 olaraq qiymətləndiriblər.

Roman Kostomarovun xəstəxanaya yerləşdirilməsi yanvarın 10-da məlum olub. Onun pnevmoniya diaqnozu ilə reanimasiyada olduğu və ağciyərin süni ventilyasiyasında olduğu, vəziyyətinin son dərəcə ağır qiymətləndirilir.


Media skayterin nekroz səbəbindən ayaqlarının, eləcə də barmaqlarının amputasiya edildiyini yazıb. Fevralın 20-də məlum olub ki, Kostomarov ikinci dəfə insult keçirib.

Kostomarov Tatyana Navka ilə duetdə fiqurlu konkisürmə üzrə ikiqat dünya çempionu və üçqat Avropa çempionudur. O, həmçinin üçqat Qran Pri Finalının qalibi və üçqat Rusiya Çempionudur. Karyerasını bitirdikdən sonra Kostomarov məşhur "Buz dövrü" televiziya şousunun daimi iştirakçısı idi.


www.anews.az