"Liverpul" "Atletiko"dan Ardanı istədi

İngiltərənin “Liverpul” klubu İspaniya “Atletiko”sunun rəhbərliyinə futbolçu Arda Turanın transfer etmək istəyi ilə müraciət edib. 

Lent.az-ın “Fichajes.net”ə istinadən məlumatına görə, “qırmızılar”ın təklif etdiyi məbləğ açıqlanmır.

Amma həmin məbləğin türkiyəli yarımmüdafiəçinin bazar qiymətinə uyğun olduğu bildirilir. “Mersisaydlılar” qışda Ukrayna “Dnepr”indən Yevgeni Konoplyankanı almaq istəyirdilər. Amma bu keçid baş tutmayıb. Ona görə də “Liverpul” digər variantları nəzərdən keçirir.

Qeyd edək ki, Arda Turan “Atletiko”ya 2011-ci il avqustun 10-da keçib. Onun Madrid klubu ilə hazırkı anlaşması 2017-ci il iyunun 30-da başa çatacaq.

Qol.az