“Rabitə” voleybolçuları yenidən lider oldu

“Rabitə” voleybol komandası yenidən Azərbaycan Super Liqasının turnir cədvəlinin birinci pilləsinə yüksəlib.

Fevralın 15-də qadın voleybol komandaları arasında Azərbaycan Super Liqası yarışlarının yeddinci turu çərçivəsində oyun keçirilib.

ANS PRESS-in verdiyi məlumata görə, Azərbaycan Voleybol Mərkəzində təşkil olunmuş yarışda “Rabitə” komandası “Azəryol” kollektivini qəbul edib. Rəqibini 3:0 hesabı ilə məğlub edən “Rabitə” komandası hesabındakı xalları 18-ə çatdıraraq yenidən turnir cədvəlinin birinci pilləsinə yüksəlib.

“İqtisadçı” komandası 16 xalla 2-ci, “Azəryol” isə 15 xalla 3-cü pillədə qərarlaşıblar.

ANS PRESS