Mourinyo: "Məsut Özili dayandırmaq çətin olacaq"

"Çelsi"nin baş məşqçisi Joze Mourinyo sabiq futbolçusu Məsut Özil haqda xoş sözlər deyib.

Qol.Az-ın məlumatına görə, portuqaliyalı mütəxəssis Premyer Liqada bu axşam qarşılaşacaqları "Arsenal"la görüşdə Özilin dayandırmağın çətin olacağını bildirib:

"Məsutun güclü tərəfi onun zəif nöqtəsinin olmamasıdır. Onun qarşısını almağın yollarını bilirəm. Ancaq Özili 90 dəqiqə ərzində nəzarətdə saxlamaq mümkün deyil. Bu tip oyunçular fürsət tapıb özlərini göstərə bilir. Elə buna görə də onlar yüksək səviyyəyə gəlib çatıblar. Məsut Özili bu axşam dayandıracağımıza inanmıram".

Qeyd edək ki, "Arsenal" - "Çelsi" oyunu bu axşam, Bakı vaxtı ilə saat 00:00-da başlayacaq. 

Qol.az