"Səhv edə bilmərik" – İbrahim Şehiç
27.03.2015 11:11
"Yenidən yığmaya dəvət aldığım üçün şadam. Hər kəs komandanın qarşısına qoyulan tapşırığı bilir. Səhv edə bilmərik. Ona görə hər oyuna yaxşı hazırlanmalı və ciddi yanaşmalıyıq".
Qol.Az-ın məlumatına görə, bu sözləri yenidən Bosniya və Hersoqovina yığmasına çağırılan "Qarabağ"ın qapıçısı İbrahim Şehiç deyib.
Ölkəsinin mətbuatına danışan İ.Şehiç milli komandanın heyətində oynayacağına ümid etdiyini bildirib: "Yığma komandada olan hər bir futbolçu oynayacağına ümid edir. Həmkarım Asmir Beqoviç həm millidə, həm də klubunda yaxşı oyun nümayiş etdirir. Bu səbəbdən də yığmanın bir nömrəsi odur. Ancaq mən də öz şansımı gözləyirəm. "Qarabağ"ın heyətində ötən ili uğurlu keçirdim. Avropa Liqasında güclü komandalara qarşı oyunlarda təcrübə topladım, qapıçı, futbolçu və insan kimi inkişaf etdim".
Qeyd edək ki, Bosniya və Hersoqovina yığması "Avro-2016"nın seçmə mərhələsində sabah səfərdə Andorranın qonağı olacaq.
ANN.Az
Facebook
Bizi Facebookda izləyin
Oxşar xəbərlər
Oxşar xəbərlər
İdman 09:07
Prezidentin sosial media hesablarında futbol üzrə U-15 dünya çempionatı ilə bağlı videoçarx paylaşılıb
Foto
Video
