2019-cu ildə Bakıda daha bir yarış keçirilə bilər

Oxu.Az xəbər verir ki, bu barədə TASS-a Rusiya Tələbələr İttifaqının rəhbəri Oleq Matısin Beynəlxalq Tələbə İdmanı Federasiyasının (FISU) İcraiyyə komitəsinin iclasının yekunları üzrə bildirib.

FISU-nun İcraiyyə komitəsinin iclası 30 iyun – 1 iyul tarixlərində Cənubi Koreyanın Kvancu şəhərində keçirilib.

"Bu gün 2019-cu il Universiadasının keçirilməsi üçün potensial namizəd kimi bir neçə ölkə nəzərdən keçirilir, - deyə, Matısin qeyd edib. – Bu, İtaliya, Türkmənistan və Azərbaycanın paytaxtı Bakıdır”.

"Bir daha qeyd edim ki, namizədlə bağlı heç bir konkret qərar qəbul edilməyib, - deyə, o, əlavə edib. Adlarını çəkdiyim ölkələrdən 2019-cu il Universiadasını keçirmək istəyinin rəsmi təsdiqi yoxdur. Danışıqlar aparılır”.

Matısinin sözlərinə görə, 2019-cu il Yay Universiadasının keçirilməsinə namizədlər FISU-nun noyabrda baş tutacaq Baş Assambleyasınınt əqdim olunacaq.

Qeyd edək ki, Bakı 12-28 iyun tarixlərində ilk Avropa Oyunlarını qəbul edib. 2015-ci ilin Yay Universiadası 4-14 iyul tarixlərində Cənubi Koreyanın Kvancu şəhərində keçiriləcək.

2019-cu ilin Qış Universiadası Krasnoyarskda baş tutacaq.