Çili Amerika çempionu oldu

Çili yığması ilk dəfə olaraq Amerika Kubokuna sahib oldu.

ANS PRESS-in məlumatına görə, Santyaqoda keçirilən final matçı zamanı çilililər Argentina komandasına qalib gəlib. 

Oyun zamanı əsas və əlavə olunmuş vaxt heç-heçə bitib – 0:0. Penalt vuruşları zamanı isə Çili futbolçuları daha dəqiq oynayaraq – 4:1 hesabı ilə qalib gəliblər. Bununlada Çili Amerika Kubokunun sahibi olur, argentinalılar isə kor-peşman ölkələrinə qayıdır.

Şərhçilər oyunu ümumi götürəndə maraqsız hesab etsələr də, əsl final matçı kimi qiymətləndiriblər.

Oyunda maraqlı məqamlardan biri isə himnlər oxunan zaman baş verib. Belə ki, Çili millisi azrkeşləri Argentina milli himninə hörmətsizlik göstərərək səslənən zaman səs-küy salmağa başlayıblar. Çili milli himni isə bütün stadion tərəfindən bir ağızdan oxunub.

Qeyd edək ki, çilililər artıq 44-cü dəfə keçirilən Amerika Kubokunda heç vaxt çempion ola bilməmişdi. Bundan sonrakı yubiley Amerika Kuboku 2016-cı ildə ABŞ-da keçiriləcək.

Santyaqoda yerləşən "Nasional- Xulio Martines Pradanos” stadionunda yerli Çili azarkeşləri üstünlük təşkil edir
www.ann.az