FİFA rəsmisi axtarışa verildi

Paraqvay Xarici İçlər Nazirliyinin nümayəndəsi müvafiq sənədin alınmasını təsdiq edib. "Biz ABŞ səfirliyi tərəfindən göndərilmiş bütün sənədləri alınıb və onları ölkənin Ali Məhkəməsinə təqdim edilib”, – deyə nazirliyin nümayəndəsi bildirib.

Qərb mətbuatının yazdığına görə, 1986-2013 illərdə Cənubi Amerika Futbol Konfederasiyasına başçılıq edən Leos adı 2002 il dünya çempionatın ev sahibi seçilməsi üçün rüşvət almaqda iştirak edib. Qeyd edək ki, yayılan məlumata əsasən o zaman Yaponiya Futbol Assosiasiyası Conmebol üzvlərinin hesablarına 1,5 milyon ABŞ dolları keçirib. Nikolas Leos bu vəsaitin Konfederasiya məmurları arasında bölüşdürülməsinə rəhbərlik edib.

Bununla əlaqədar FİFA-nın icrayyə komitəsinin sabiq üzvü N.Leos barəsində İnterpol xətti ilə axtarış da elan edilib.

Xatırladaq ki, 2015-ci ilin may ayında İsveçrədə bir sıra yüksək rütbəli FİFA rəsmisi həbs edilib. Bu həbsləri şərh edərkən ABŞ-ın Ədliyyə Naziri və Baş Prokuroru Loretta Linç bəyan edib ki, saxlanılmış FİFA məmurlarının yaratdıqları korrupsiyon sxem təxminən 20 il ərzində mövcud olub və onlara yüz milyonlarla dollar məbləğində qeyri-qanuni gəlir etmək imkanı yaradıb.

Bundan əlavə məlum olub ki, İsveçrə polisi DÇ-2010 , DÇ-2018 və DÇ-2022 -yə ev sahibliyi edəcək ölkələrin seçilməsi zamanı pulların yuyulması ilə əlaqəli olan bir qrup adları çəkilməyən şəxs barəsində istintaq işi qaldırıb.

29 may 2015-ci il tarixində FİFA konqresində 5-ci dəfə yenidən təşkilatın prezidenti seçilən Yozef Blatter bundan cəmi bir neçə gün sonra korrupsiya qalmaqalı ilə əlaqədar gözlənilmədən vəzifəsindən istefa verib. FİFA-nın yeni prezidenti 2016-cı il fevralın 26-da İsveçrənin Sürix şəhərində keçiriləcək növbədənkənar konqresdə seçiləcək.//ANS