“Qəbələ” – “Apollon” matçının biletləri satışa çıxarıldı

Bilet satışında ajiotajın müşahidə olunduğu "Qarabağ” – "Seltik” matçından fərqli olaraq, ilk oyunu qollu bərabərliklə başa çatan "Qəbələ” –"Apollon” matçına maraq azdı. Hər halda oyuna bir gün qalmış cəmi 1500 biletin satılması belə deməyə əsas verir.

ANS TV-nin məlumatına görə, "Qəbələ” – "Apallon” matçına 10 mindən çox bilet satışa çıxarılıb ki, bunlardan da 1500-ü artıq sahibini tapıb. Biletlərin qiyməti isə sektordan aslı olaraq 1-5 manat arasında dəyişir.

Oyunu canlı olaraq VIP zonadan izləmək istəyənlər isə 10 manatından keçməli olacaqlar. Bəs alıcılar bilet satışından nə dərəcədə razıdırlar? Biletlərin bir məntəqədən satışı onlara çətinlik törətmir ki?

Bilet satışı zamanı yarana biləcək "qara bazar”ın qarşısı alınması üçün görülən işlər barədə isə klub rəsmisi Səməd Nəsibov bunlari söylədi:

"Bir nəfər yalnız 5 ədəd bilet ala bilər. Bundan əlavə kulubun 4 əməkdaşı bilet satışına nəzarət edir. Eyni zamanda oyun zaman təhlükəsizlik xidmətindən bir nəfər əraziyə təkim edilir. Eləcə də hüquq-mühafizə orqanlar ilə də əməkdaşlıq edirik”.

8-ci kilometr qəsəbə stadionunda baş tutacaq qəbələ apallon matçinin start fiti avqustun 6-si saat 21-də səslənəcəq.