Müsavat Partiyası başqanının müavini Tofiq Yaqublu qızı Nərgiz Yaqublunun dəfn mərasimində iştirak etmək üçün 7 günlük həbsxanadan müvəqqəti azadlığa buraxılıb.
Qeyd edək ki, T. Yaqublunun qızı Nərgiz Yaqublu aprelin 23-də Rusiyanın Tomsk şəhərində dünyasını dəyişib. Onun ana olmağa hazırlaşarkən qəfil xəstəliyə yoluxduğu və bir neçə gün əvvəl komaya düşdüyü bildirilir.
T. Yaqublu 2013-cü ildə baş vermiş "İsmayıllı olayları”na görə həbs edilib. 5 il müddətinə azadlıqdan məhrum olunub və cəzasını 13 saylı həbsxanada çəkir. İnsan Hüquqları üzrə Birgə İşçi Qrupu Tofiq Yaqublunun azad olunması üçün prezidentə müraciət ediblər. Qeyd edək ki, Tofiq Yaqublu Qarabağ müharibəsi iştirakçısıdır.
ANN.TV çəkiliş qrupunun hazırladığı fotosessiyanı və video-süjeti oxuculara təqdim edirik:
www.ann.az
Bizi sosial şəbəkələrdə izləyin !
