Türkiyə 95 ölkənin yardımını qəbul edib - Çavuşoğlu
09.02.2023 16:46
Türkiyə 95 ölkədən ölkənin cənub-şərqində baş vermiş dağıdıcı zəlzələdən sonra yardım təklifini qəbul edib. Bunu cümə axşamı Ankarada keçirdiyi mətbuat konfransında xarici işlər naziri Mövlud Çavuşoğlu deyib.
www.anews.az
"95 ölkədən yardım təklifini qəbul etdik. Axtarış-xilasetmə əməliyyatlarında 56 ölkədən 6479 xilasedici iştirak edir. Daha 19 ölkə 24 saat ərzində öz mütəxəssislərini göndərəcək", - Çavuşoğlu bildirib.
Fevralın 6-da Türkiyənin cənub şərqində iki dəfə 7.6 bal gücündə zəlzələ baş verib. Zəlzələ nəticəsində ölənlərin sayı 14 mini keçib. Bu rəqəmin daha da artacağı gözlənilir.
Baş verən zəlzələ nəticəsində BMT cümə axşamı açıqlama yayaraq bildirib ki, ərazilərə humanitar yardımlara daha çox ehtiyac var.
Türkiyədə baş verən zəlzələ ilə bağlı ölkə daxilində 7 günlük matəm elan olunub. 3 ay müddətində isə fövqəlada vəziyyət elan olunmsı gözlənilir.
Gülnar Nazimqızı
www.anews.az
Foto 
Video 
