• $
  • €
  • ₽
  • ₺
  • £

Müxalifət Erdoğandan mandat istəyir

Müxalifət Erdoğandan mandat istəyir
18.08.2015 13:13
Türkiyədə AKP-nin Milliyyətçi Hərəkat Partiyası ilə uğursuz danışıqlarından sonra mandatın CHP-yə verilməsi üçün bu partiyanın MHP və HDP tərəfindən dəstəklənməsi zəruridir.

Türkiyədə Milliyyətçi Hərəkat Partiyası (MHP) Recep Tayyib Erdoğanın Ədalət və İnkişaf Partiyası (AKP) ilə koalisiyaya girməkdən imtina etdikdən sonra, hökumət mandatı ona qaytarıla bilər.

CHP mandatı qəbul etməyə hazır olduğunu bildirib. 

Beləliklə, baş nazir Ahmet Davutoğlu yeni hökumətin təşkili ilə bağlı yaranmış siyasi düyünü çözə bilməyib.

MHP ilə koalsiya danışıqlarının iflası Türkiyədə pərakəndə və zəif hökumət kabinetinin təşkil ediləcəyi barədə proqnozları doğrulda bilər.

Erdoğanın AKP partiyası iyunun 7-də keçirilmiş ümumi seçkilərdə ona təkbaşına hökumət qurmaq imkanı verəcək çoxluqdan məhrum olub. Bununla da, 2002-ci ildən bəri ilk dəfə olaraq AKP təkbaşına hökumət təşkil edə bilmir.

Təhlilçilərin fikrincə, belə vəziyyətdə Türkiyədə 1990-cı illərin zəif koalisiyaları zamanı yaranmış kövrək situasiya təkrar oluna bilər.

Koalisya cəhdləri ətrafında yaranmış böhran hazırda ölkəni bürümüş təhlükəsizlik böhranı ilə eyni vaxta təsadüf edir.

MHP lideri Devlet Bahceli ilə danışqılardan sonra Davutoğlu tərəflərin ortaq məxrəcə gələ bilmədiklərini bəyan edib.

Davutoğlunun sözlərindən bəlli olur ki, MHP AKP-nin heç bir şərtini qəbul etməyib.

O bildirib ki, hazırkı vəziyyət koalisiyanın yaradılmasını mümkünsüz edir və o, yaranmış situasiyanı prezident Erdoğanla müzakirə edəcək.

Ahmet Davutoğlu qeyd edib ki, lazım gələrsə hökumətin təşkili mandatını prezidentə qaytaracaq.

Türkiyə mediası bildirir ki, bu halda Erdoğan müxalif CHP-yə müraciət etməli olacaq.

CHP deyib ki, yeni hökumət təşkil etməyə hazırdır.

"Biz inanırıq ki, baş nazir Ahmet Davutoğlu demokratik legitimliyə  və milli iradəyə ehtiram göstərərək mandatı prezidentə qaytaracaq. Biz gözləyirik ki, prezident mandatı CHP lideri Kemal Kılıcdaroğluna verəcək” – deyib CHP sözçüsü Haluk Koç.

Lakin mandatın CHP-yə verilməsi üçün bu partiyanın MHP və HDP tərəfindən dəstəklənməsi zəruridir. 

Əksər analitiklər bu qənaətdədirlər ki, hadisələr erkən seçkiyə doğru inkişaf edir. /Azadliq.org

www.ann.az
Twitter
Keçid et
Oxşar xəbərlər
Oxşar xəbərlər
Tramp İrana zərbələri bərpa etməyi nəzərdən keçirir
Dünya 22:46
Tramp İrana zərbələri bərpa etməyi nəzərdən keçirir
Gürcüstanda surroqat analıq qadağan edilir
Dünya 19:03
Gürcüstanda surroqat analıq qadağan edilir
Almaniyada kilsədə dəm qazı sızması nəticəsində 19 nəfər zəhərlənib
Dünya 18:30
Almaniyada kilsədə dəm qazı sızması nəticəsində 19 nəfər zəhərlənib
ABŞ-də əyləncə mərasimində atışma nəticəsində doqquz nəfər yaralanıb
Dünya 17:03
ABŞ-də əyləncə mərasimində atışma nəticəsində doqquz nəfər yaralanıb
İstanbulda yaşayış binasının 16 sakini qazdan zəhərlənib
Dünya 15:08
İstanbulda yaşayış binasının 16 sakini qazdan zəhərlənib
DMM-dən “Malatya ayağa qalxdı” iddialarına rəsmi reaksiya
Dünya 14:34
DMM-dən “Malatya ayağa qalxdı” iddialarına rəsmi reaksiya
İranda spirtli içkidən kütləvi zəhərlənmə: 3 nəfər ölüb, 33 nəfər xəstəxanaya yerləşdirilib
Dünya 08:58
İranda spirtli içkidən kütləvi zəhərlənmə: 3 nəfər ölüb, 33 nəfər xəstəxanaya yerləşdirilib
Nigeriyada gəmi qəzasında 26 nəfər ölüb
Dünya 08:43
Nigeriyada gəmi qəzasında 26 nəfər ölüb
Hindistanda spirtli içkidən zəhərlənən 15 nəfər ölüb
Dünya 23:56
Hindistanda spirtli içkidən zəhərlənən 15 nəfər ölüb
Anews TV

Rəsmi Youtube kanalımız

Abunə ol