Rusiyanın gəliri azalır

Rusiyanın bu ilin yanvar-iyul ayı ərzində ixrac etdiyi xam neftdən gəliri 42 faiz azalaraq 56,23 milyard dollar olub.
 
ANN.Az xəbər verir ki, bu barədə Rusiya Federal Gömrük Xidmətinin məlumatında qeyd edilib. Məlumata görə, ötən ilin analoji dövründə bu rəqəm 97 milyard dollar təşkil edib.
 
Dövr ərzində ölkənin neft ixracı 7,2 faiz artıb və 140,6 milyon ton olub.
 
Rusiyanın neft məhsullarının satışından gələn gəlirləri də azalıb və 44,4 milyard dollara düşüb.
 
Ümumilikdə, yanvar-iyul ərzində Rusiyanın ixracatı 30,6 faiz azalaraq 210,5 milyard dollar olub. Bunun 68,5 faizi isə neft və neft məhsullarının üzərinə düşüb.

www.ann.az