• $
  • €
  • ₽
  • ₺
  • £

Yunanıstan şansını bir daha sınayacaq

Yunanıstan şansını bir daha sınayacaq
20.09.2015 14:00
İqtisadi tənəzzül dövrünü yaşayan Yunanıstanda bu gün növbədənkənar parlament seçkiləri keçirilir. 

ANS PRESS-in məlumatına görə, bu dəfəki seçkilər hakim koalisiyada baş verən parçalanma səbəbindən təşkil edilib.

Parlamentin təxminən 40 deputatı istefa verən baş nazir Aleksis Tsiprasın siyasətini dəstəkləməkdən və kreditorlarla memorandum imzalanmasına səs verməkdən imtina edib. Sənəd növbəti iqtisadi yardım proqramı əvəzinə, ölkədə sərt iqtisadi tədbirlər tətbiq etməyi nəzərdə tuturdu.

Koalisiyadan çıxan deputatların fikrincə, Tsipras seçkiqabağı vədlərinə xilaf çıxıb. Belə ki, o, siyasi proqramında beynəlxalq kreditorlarla sövdələşmənin ləğvində və Yunanıstanın üzərindən borcların böyük hissəsinin silinməsində israr edirdi. Bu, baş tutmadığından parlamentdə üstünlüyünü itirən Aleksis Tsipras istefa verməyə məcbur olub.

Bu gün yunanlar 2015-ci il ərzində artıq üçüncü dəfə seçki məntəqələrinə üz tutur. Yanvarın 25-də ölkədə növbədənkənar parlament seçkiləri, iyulun 5-də isə kreditorların ultimatumuna və iqtisadi siyasətə dair referendum keçirilib. 

Yunanıstan əhalisinin 9.8 milyonu səsvermə hüququna malikdir. Seçkilərdə 19 partiyadan 7 –nin tələb olunan səs sayını toplayıb parlamentdə təmsil olunma şansı var. Namizədlərin hər biri iqtisadi yüksəlişin olacağına söz verib və öz seçki kampaniyalarını iqtisadiyyat üzərində qurublar.

Seçki kompaniyasında Avropalı kreditorların tələblərinə "hə" deyənlərlə deməyənlər arasında kəskin fikir ayrılığının olduğu müşahidə edilirdi. 

Keçmiş baş nazir Aleksis Tsipras əgər yenidən seçicilər ona etimad göstərərlərsə, Avropalı kreditorların tələblərini onlara sərf edən istiqamətdə yenidən dəyərləndirəcəyini söyləyib. Digər siyasətçilər isə Avropa dəyərlərinə sadiq qalmaqla ölkəni inkişafa doğru aparacaqlarını iddia edirlər.

Yunanıstan xəbər agentliklərinin yaydığı məlumata görə, ölkədə keçirilən 3 seçkilərə 110 milyon avro pul xərclənib. Təkcə bu gün keçirilən seçkilərə 36.7 milyon avronun xərcləndiyi deyilir.

Yunanıstan bir müddət əvvəl Avropalı kreditorlarla iqtisadi yardım üçün daha 86 milyard avro ayrılması barədə razılığa gəlib. Avroqrupun rəhbəri Yerun Deysselblum deyib ki, Afinaya yardım müzakirələri zamanı fikir ayrılıqları olsa da, nəticədə bütün mübahisəli məsələlər yoluna qoyulub.

Avroqrupun avqustun 14-də Brüsseldə keçirilən toplantısı 6 saat davam edib. "France-Presse" bildirir ki, bu zaman Afinanın kredit qarşılığında aparacağı islahatlar və atacağı sərt addımlar bütün incəliklərinə qədər müzakirə edilib.


Avropada kifayət qədər söz sahibi olan Almaniya isə Afinanın xeyrinə atılan addımı sərt qarşılayıb və özü Yunanıstana uzun müddətli kredit verməsi təklifini irəli sürüb. Lakin keçmiş baş nazir Tsipras hələ keçən çıxışında Almaniyadan alınan krediti "sonu olmayan böhran" adlandırıb.
www.ann.az
Twitter
Keçid et
Oxşar xəbərlər
Oxşar xəbərlər
Tramp İrana zərbələri bərpa etməyi nəzərdən keçirir
Dünya 22:46
Tramp İrana zərbələri bərpa etməyi nəzərdən keçirir
Gürcüstanda surroqat analıq qadağan edilir
Dünya 19:03
Gürcüstanda surroqat analıq qadağan edilir
Almaniyada kilsədə dəm qazı sızması nəticəsində 19 nəfər zəhərlənib
Dünya 18:30
Almaniyada kilsədə dəm qazı sızması nəticəsində 19 nəfər zəhərlənib
ABŞ-də əyləncə mərasimində atışma nəticəsində doqquz nəfər yaralanıb
Dünya 17:03
ABŞ-də əyləncə mərasimində atışma nəticəsində doqquz nəfər yaralanıb
İstanbulda yaşayış binasının 16 sakini qazdan zəhərlənib
Dünya 15:08
İstanbulda yaşayış binasının 16 sakini qazdan zəhərlənib
DMM-dən “Malatya ayağa qalxdı” iddialarına rəsmi reaksiya
Dünya 14:34
DMM-dən “Malatya ayağa qalxdı” iddialarına rəsmi reaksiya
İranda spirtli içkidən kütləvi zəhərlənmə: 3 nəfər ölüb, 33 nəfər xəstəxanaya yerləşdirilib
Dünya 08:58
İranda spirtli içkidən kütləvi zəhərlənmə: 3 nəfər ölüb, 33 nəfər xəstəxanaya yerləşdirilib
Nigeriyada gəmi qəzasında 26 nəfər ölüb
Dünya 08:43
Nigeriyada gəmi qəzasında 26 nəfər ölüb
Hindistanda spirtli içkidən zəhərlənən 15 nəfər ölüb
Dünya 23:56
Hindistanda spirtli içkidən zəhərlənən 15 nəfər ölüb
Anews TV

Rəsmi Youtube kanalımız

Abunə ol