Serbiyada fövqəladə vəziyyətdir

Serbiya hökuməti ölkədə baş verən daşqınlara görə fövqəladə vəziyyət elan edib. Bu həftə çayların daşması yüzlərlə evi, fermanı, yolları su altında qoyub.

Hökumət martın 8-də bildirib ki, 15 ərazidə fövqəladə vəziyyət elan olunub.

Leysan yağışlar təkcə çayları daşdırmayıb, torpaq sürüşmələri yaradıb, ölkənin mərkəzində və cənub-qərbində yollar bağlanıb. Bəzi ərazilər susuz, elektriksiz qalıb.

500-dən çox insan evakuasiya olunub.

Rusiya Serbiyaya yardım təklif edib, 100 nəfərlik xilasedici, vertolyot, digər avadanlıq göndərib.

Bu həftəsonuna yenə yağış gözlənilir. /Azadliq.org