Savçenko quru aclığa başlayacaq

Rusiyada 22 illik cəzaya məhkum edilmiş ukraynalı pilot Nadia Savchenko aprelin 6-dan quru aclığa başlayacaq. Bu barədə onun vəkilləri məlumat yayıb.

"Tələbi dərhal Ukraynaya təhvil verilməsidir”, Savchenko-nun vəkillərindən biri Nikolai Polozov aprelin 4-də "Twitter” sosial şəbəkəsində yazıb.

Polozov daha öncə yazmışdı ki, Savchenko-nun "səhhəti sabitdir. Yalnız su içir”.

34 yaşlı Savchenko martın 22-də 22 illik cəzaya məhkum edilib. O, Ukraynanın şərqində iki rusiyalı jurnalistin ölümündə əli olmaqda, onların yerini deməkdə təqsirli bilinib. Hökm aprelin 5-dən qüvvəyə minir.

Özü ittihamları rədd edir. Həbsdə bir neçə dəfə aclıq aksiyası keçirib. /Azadliq.org