Suriya sülh danışıqları başlanır

Aprelin 13-də Cenevrədə Suriyada beş illik müharibəni bitirməyi hədəfləyən danışıqların yeni raundu başlamalıdır. Ancaq ölkədə zorakılığın artması bu danışıqların hər hansı uğur qazanacağına indidən kölgə salır.

Hələb vilayətində döyüşlər qızışıb. Hökumət qüvvələri Al-Qaeda-nın qanadı olan Al-Nusra Cəbhəsinin nəzarətindəki Al-Eis şəhərinə doğru irəliləyirlər.

Danışıqlara BMT vasitəçilik edir. Məqsəd keçid hökuməti yaratmaqdır.

Suriya münaqişəsində indiyədək 270 mindən çox insan həlak olub. (Azadliq.org)