Böyük Britaniyaya miqrasiya rekord səviyyəyə yaxınlaşır

Ölkəyə miqrant axınının tarixi rekordu - il ərzində 336 min nəfər göstərici ilə ötən ilin iyun ayında qeydə alınıb. Yeni hesabatda göstərilib ki, həmin vaxtdan bəri ölkəyə 333 min miqrant daxil olub.

Qeyd edək ki, miqrasiya və miqrantların hüquqları məsələləri Böyük Britaniyanın Avropa İttifaqından çıxması ətrafında aparılan müzakirələrin mərkəzində duran problemlərdən biridir.

Britaniya hökuməti Aİ-dən olan miqrantların ölkədə olduğu ilk 4 il ərzində müəyyən müavinətlər almasına qadağa qoyulmasını təklif edir. Amma Avropa Komissiyası artıq bu təklifi çox problemli adlandırıb.

Hazırda Britaniya hökumətinə yaxın 4 il ərzində belə desək, "təcili əyləc"dən istifadə etmək və xüsusi hallarda miqrantların sosial xidmətlərə girişini məhdudlaşdırmaq hüququnun verilməsi müzakirə edilir.

Xatırladq ki, Britaniyanın Aİ-dəki üzvlüyü ilə bağlı referendum iyunun 23-də keçiriləcək.
www.ann.az