İstanbul aeroportunda Ukrayna təyyarəsində bomba həyəcanı

Bu barədə Trend "Haber türk"ə istinadən məlumat verir.

Həyəcana səbəb "Boeing 737-500" uçuşa hazırlanarkən 90 sərnişindən biri təyyarənin salonunda digər sərnişinə "sabaha bu reysdə bomba xəbərdarlığı var" sözləri olub. Təyyarə heyəti bu sözləri eşidib və instruksiyalara əsasən, kapitana xəbərdarlıq edib. Kapitan dispetçer xidmətini məlumatlandıraraq onlardan təyyarənin tam yoxlanmasını istəyib.

Təyyarə təhlükəsiz yerə göndərilərək tam yoxlandıqdan sonra terminala qaytarılıb - bomba aşkarlanmayıb. Təyyarə 06.05 əvəzinə hava limanından 09.05-də Kiyev istiqamətində uçub.