373 dövlət müəssisəsi satıldı

Publika.az özbək mətbuatına istinadən xəbər verir ki, bu ilin yanvar-sentyabr ayında ölkədəki 373 müəssisənin dövlətə aid hissələri sərmayə qoymaq şərtiylə satılıb. Bundan əlavə 96 müəssisənin dövlətə aid hissələri isə 130 milyon dollar sərmayə qoymaq, 7 min 500 adamı işlə təmin etmək şərtiylə ödənişsiz verilib.

Bu ilin 9 ayında cəmi məbləği 3,7 milyard dollar olan 100-ə yaxın yeni böyük müəssisə fəaliyyətə başlayıb. Bunun 1,8 milyard dolları xarici sərmayə olub.

Xatırladaq ki, Özbəkistan hökuməti bundan əvvəl də ölkədəki bəzi idarə və şirkətlərin dövlətə aid hissələrini satışa çıxarmışdı. Hissələrin 15-33 faizə qədəri xarici sərmayəçilərə satılıb. Onu da bildirək ki, Özbəkistanda bu ilin yanvar ayının 1-dən 2020-ci ilə qədər şirkətlər gəlir və əmlak vergisi də daxil olmaqla bir çox vergidən azad olunublar.