44 ildir havada qalan əl

Hindistanda yaşlı kişi 44 ildir heç kimin bacarmadığı işi görür. İstiPress-in məlumatına görə, Delhidə yaşayan Mahant Amar Bharti Ji adlı adam 44 ildir ki, sağ qolunu havada saxlayır.

Şiva (Hinduizmdə yıxım və yenidən doğuluş tanrısı) üçün bu ayinə başlayıb. O, 1973-cü ildən bu yana qolunu aşağı endirməyib. 

Mahant Amar 44 il öncə gördüyü yuxunun təsirindən belə etmək qəraraına gəlib. Bir gecənin içərisində o özünü Şivaya həsr etməyə qərar verib. 

Amar Brahti Ji əlini havaya qaldırmamışdan 3 il öncə ailəsini, işini və yaxınlarını tərk edib. O, özünü dinə həsr etmək niyyətində olduğu üçün yaxınlarından uzaqlaşıb. Və o gün bu gündür sağ qolunu bir anlıq olsun belə aşağı endirməyib. Yuxusunda belə. 

44 il ərzində onun şiddətli ağrıları və qolunun hərəkətsizliyi ətraf sümüklərində deformasiyaya səbəb olub. 

Yaşlı kişi bütün çətinliklərə baxmayaraq öz amlından daşınmaq fikrində deyil. O, məhz bu yolla daxili rahatlıq tapdığını iddia edir. Onunla eyni qəsəbədə yaşayanlar isə bir əli göydə gəzən kişiyə müqəddəs kimi yanaşırlar.