Rza Zərrab türk nazirləri ifşa edir

O deyib ki, 2016-cı ilin martında tutularkən çox qorxduğu üçün ilk ifadəsində FBI-ya doğruları deməyib. İndi isə hər şeyi doğru danışacağına and içib.
"İranın keçmiş prezidenti Mahmud Əhmədinejadla əlaqələrim olduğunu qəbul edirəm. İranın ABŞ-ın tətbiq etdiyi sanksiyalardan xilas olmaq üçün neft və qaz satışından əldə etdiyi gəlirləri ilə beynəlxalq ödəmələri həyata keçirdim. Bu işdən əldə etdiyim gəlirin 50 faizini isə keçmiş iqtisadiyyat naziri Zəfər Çağlayana təklif etdim. Digər valyutalarla verdiklərimi saymıram. Təkcə avro ilə 45-50 milyon rüşvət vermişəm”.

İş adamı deyib ki, Türkiyəyə ekstradisiya olunması üçün vəkillər tutub, lakin nəticə olmadığına görə əməllərini etiraf etməyə qərar verib:
"ABŞ hökuməti məni əfv etmək barədə söz verməyib. Cəzama hakim qərar verəcək”.

www.anews.az