Birjalarda fəlakət proqnozu
15.02.2018 20:46
Məşhur investor Cim Rocers növbəti "ayı” birjasının daha fəlakətli çöküşlərə yol açacağını bəyan edib.
Anews.az xəbər verir ki, investor böhran vəziyyətinin hələ başlamadığını deyib:
"Böhran başlayarsa, bu, çox pis "ayı” bazarı olacaq. Son 2-3 həftədir qlobal bazarlarda yaşanan sərt satışın bu böhranın başlanğıcı olub-olmadığını söyləmək çətindir.
Təxminlərimizə görə, birja bir müddət yüksələn xətt üzrə hərəkət edəcək. Lakin bu il ərzində böhranın baş verəcəyi ehtimalı yüksəkdir”.
Onun sözlərinə görə, cari ildə qızıl və gümüş həddən artıq bahalaşacaq:
"Kriptovalyutaların çoxu dəyərini itirəcək. Faizlər "buğa” birjasına keçəcək. Xüsusilə uzunvədəli faiz dərəcələri yüksələcək. 1981-ci ildə faiz dərəcələri dibə vurmuşdu və bundan sonra faiz dərəcələrində 35 il "buğa” birjası müşahidə etdik.
Bu, yenə baş verəcək. Çox uzun müddət faiz dərəcələri və borclarda "buğa” birjası yaşanacaq”.
www.anews.az
Facebook
Bizi Facebookda izləyin
Oxşar xəbərlər
Oxşar xəbərlər
Foto
Video
