Qripə qarşı yeni dərman

Milli.Az xəbər verir ki, İngiltərə mətbuatında yer alan xəbərə görə Yaponiyanın "Şionogi" firması tərəfindən hazırlanan dərmanın qrip viruslarını məhv etməsi üçün 24 saat kifayət edir.

Onun ən çox istifadə edilən qrip dərmanlarından 3 dəfə daha çox təsirli olduğu deyilir. Mövcud dərmanlarla qripin tamamilə sağalması üçün 5 gün boyunca gündə 2 dəfə qəbul edilməsi lazımdırsa, yeni dərman bir dəfə istifadə ilə qripi "bloklayır". Virusun bədəndən tam təmizlənməsi üçün bu dərmanı da 5 gün qəbul etməlisiniz. Lakin ilk dəfə qəbul edəndən sonra artıq bədəninizdə bir rahatlıq hiss edirsiniz.

Firmanın sözçüsü İsao Teşiroginin açıqlamasına görə, dərman qrip virusunun bədəndə digər hüceyrələrə yayılmasının tam qarşısını alır. Həmçinin xəstəliyin yayılma riskini də azaldır.

Dərmanın gələn il kütləvi istehsal edilməsi gözlənilir. (publika.az)