“iPhone” istifadəçilərinə bəd xəbər

Yenicag.az xarici KİV-ə istinadən xəbər verir ki, internet şəbəkəsinə qoşulmuş mobil telefonlarda avtomatik baş verən yenilənmə sözün əsl mənasında istifadəçilərin əsəblərini tarıma çəkəcək. Belə ki, İOS 11.3 yenilənməsi sensor funksiyasını bir anda deaktiv edir. Bu problemlə üzləşən istifadəçilər isə ekranı tamamilə dəyişməli olurlar.

Bu problemin təsadüfən, yoxsa qəsdən yaradıldığı məsələsində şübhələr mövcuddur. Əgər "Apple” bunu bilərək edibsə, o halda külli miqdarda təzminat ödəməli olacaq.

Qeyd edək ki, yenilənmə "iPhone 8” modellərinin satışına böyük zərbə vuracaq. Çünki yenilənməni son model "iPhone”lar dəstəkləyir, digər cihazların sistemləri isə yenilənməni avtomatik rədd edir.