“Daily Mail” qəzeti Bakıdan yazdı

Milyarder Donald Trampın qızı Bakı gecələrinin videosunu nümayiş etdirib

Britaniyanın nüfuzlu “Daily Mail” qəzeti Bakıda tikilən möhtəşəm otel haqqında məqalə dərc edib. Məqalə əmlak inşaatı sahəsində dünya liderlərindən sayılan ABŞ-ın “The Trump Organisation” şirkətinin rəhbəri Donald Trampın açıqlaması əsasında hazırlanıb.

Məqalədə qeyd edilib ki, D.Trumpun qızı, şirkətin vitse-prezidenti İvanka Tramp inşaatın gedişi ilə maraqlanmaq üçün paytaxt Bakını ziyarət edib.  İ.Trump, həmçinin Bakı gecələrinin möhtəşəm görüntüsündən video-çarx da yayımlayıb. O, bildirib ki, “Bu möhtəşəm bina yüksək səviyyəli zərifliyi əks etdirir, qeyri-adi memarlığı və müasir daxili dizaynı Xəzər dənizindən ilham alınaraq inşa olunur”. 

Məqalədə, həmçinin, otelin memarlıq üslubu haqqında məlumat verilib. 33 mərtəbəli hotel 119 qonaq otağı , 72 lüks yaşayış məskəni və 40 xidməti mənzil ilə təmin ediləcək.

Hotel dizaynını Londonun “Mixity Design” şirkəti hazırlayıb.

Tikinti işlərini Azərbaycanın “Garant Holding” şirkəti həyata keçirir. Şirkətin idarə heyətinin sədri Anar Məmmədov açıqlamasında, “Trump Organisation” şirkəti ilə birgə çalışmaqdan məmnunluğunu ifadə edib. 

Hotelin açılışı 2015-ci ilin iyun ayına planlaşdırılıb.//Anspress