Braziliyanın sabiq prezidenti yenidən həbsə məhkum edildi

Braziliyanın keçmiş prezidenti Luiz İnasio Lula da Silva 12 il 11 ay həbs cəzasına məhkume edilib.

"Ölkə.Az” xəbər verir ki, korrupsiya və çirkli pulların yuyulması ittihamı ilə 12 il 1 ay həbs cəzası alan keçmiş prezident Lulanı bir məhkəmə rüşvətxorluğa görə 12 il 11 ay həb cəzasına da məhkum etmək barədə qərar qəbul edib.

Keçmiş prezidentin vəkilləri apellyasiya şikayəti etməyə hazırlaşırlar. Haqqındakı bütün ittihamları rədd edən 73 yaşlı Lula bildirib ki, bu ittihamlar onun yenidən prezidentliyə namizəd olmasının qarşısını almaq üçün səsləndirilib.

Lula 2003-2010-cu illər arasında prezident olub. Ötən həftə qardaşının dəfnində iştirak etmək üçün həbsxanadan çıxmasına icazə verilməyib.