Məmurların əmlakı SATIŞA ÇIXARILIR
29.05.2020 11:37
Meksika hökuməti korrupsiyaya yol vermiş sabiq məmurların əmlakını bazar günü auksionda satışa çıxarmaq barədə qərar verib. Belə ki, yoxsul vətəndaşların sosial vəziyyətini düzəltmək üçün korrupsioner məmurlara məxsus dəyəri 1,5 milyon dollar olan 77 avtomobil dövlət tərəfindən hərraca çıxarılacaq, - bu barədə məlumatı Reuters agentliyi yayıb.
"Biz Robin Qud sayağı hərəkət edəcəyik. Varlıların əmlakını kasıblara paylayacağıq", - deyə Xalqdan oğurlanmış əmlakın qaytarılması üzrə qurumun rəhbəri Rikardo Rodriqes bildirib.
Hərrac mayın 26-da keçiriləcək və satılan avtomobillərin pulu sosial layihələrə sərf olunacaq. Həmçinin narkobaronlardan müsadirə edilən əmlakın da hərraca çıxarılacağı nəzərdə tutulur.
Instagram
Bizi Instagramda izləyin
Oxşar xəbərlər
Oxşar xəbərlər
Foto
Video
