Angela Merkel Rusiyanı təhdid etdi

ANN.Az-ın xarici mediaya istinadən verdiyi məlumata görə, Almaniya Baş naziri Angela Merkel bazar ertəsi günü Berlində etdiyi açıqlamada Ukrayna böhranından geri addım atmayan Rusiyanı yeni sanksiyalarla xəbərdar edib. 

Rusiyanı "Ukrayna sərhədində təzyiq və hətta hərbi cəhdlərlə" şiddətə yol açmaqla günahlandıran Merkel, Ukrayna böhranının daxili qarşıdurma deyil, Rusiya ilə Ukrayna arasında bir anlaşılmazlıq olduğunun hər keçən gün daha yaxşı aydınlaşdığını qeyd edib. O, çıxışında, yeni sanksiyalarla bağlı Avropa Birliyi ölkələri ilə görüşdüyünü bildirib.

Merkel Rusiyaya qarşı tətbiq olunan sanksiyaların alman iqtisadiyyatına da təsir etdiyinə diqqət çəkib. Bildirib ki, bu sanksiyalara heç bir Avropa dövləti qarşı çıxmır çünki sanksiyalar haqqa söykənir, Rusiyanın mövqeyi qəbulolunmazdır.