SON DƏQİQƏ! Ölkədə aborta icazə verildi - RƏSMİ

Avstraliyada abort daha cinayət sayılmayacaq.

 

Anews.az saytı xarici mətbuata istinadən xəbər verir ki, Yeni Cənubi Uels ştatı da aborta icazə verən qanunu dəstəkləyib.

Bu ştat indiyə qədər Avstraliya İttifaqının abortu qadağan edən sonuncu ştatı idi. Bunun nəticəsində Avstraliya abort qadağasından tamamilə azad olub.

 

Avstraliyada abortu qadağan edən 119 illik qanun mövcud idi. Bu qanunun əleyhdarları həmin qanunu gerilik adlandıraraq tənqid etmişdilər.

 

Abort edənləri və etdirənləri cinayət məsuliyyətindən azad edən qanun lahiyəsi həftələrlə davam edən qızğın müzakirələrdən sonra bu gün qüvvəyə minib. Bu qanun Yeni Cənubi Uels ştatının mühafizəkarlardan ibarət hökümətində ciddi parçalanmaya səbəb olub.

 

Yeni Cənubi Uels ştatında abort əvvəllər ancaq həkimin icazəsi ilə, hamiləlik qadının sağlamlığı üçün ciddi təhlükə yaratdıqda həyata keçirilirdi.

 

Qanun 22 həftəlik hamiləlik dövründə aborta icazə verir. Hamiləlik dövrü bu müddətdən artıq olarsa 2 həkim tərəfindən razılıq verilməlidir.

 

Yeni qanunun tərəfdarları kimi əleyhdarları da var və onlar xüsusən də hamiləliyin son dönəmində abort edilməsinə qarşı etiraz aksiyaları keçiriblər.

 

Qeyd edək ki, bu vaxta qədər Yeni Cənubi Uels ştatında aborta görə qadınları və həkimləri 10 illik həbs cəzası gözləyirdi.