Rusiyalı jurnalist İranda tutuldu

 

"İnterfaks” İnformasiya Agentliyinin məlumatına görə, Rusiyanın İrandakı səfirliyi jurnalist Yulya Yuzikin saxlanılması ilə bağlı araşdırmaya başlayıb.  

 

Rusiyanın press-atteşesi Andrey Qanenkonun bildirdiyinə görə, jurnalisti  İran hüquq mühafizə orqanlarının əməkdaşları qaldığı mehmanxanada saxlayıblar. "Y.Yuzik hazırda Tehrandadır və kamerada saxlanılır. Şənbə günü onun işi ilə bağlı məhkəmə iclası olacaq. Jurnalisti 10 il azadlıqdan məhrumetmə cəzası  gözləyir”, - deyə press attaşe  əlavə edib. 

 

A.Qanenkonun fikrincə, jurnalist xanım İsrail Xüsusi Xidmət Orqanları ilə əməkdaşlıqda günahlandırılıb.

 

"RİA Novosti” informasiya agentliyi  xəbər verir ki, məlum hadisə ilə bağlı İranın Rusiyadakı səfiri Rusiya XİN-ə çağırılıb. Bu barədə məlumatı isə nazirliyin sözçüsü Mariya Zaxarova verib.