Türk qırıcıları İŞİD-ə görə havaya qalxdı

Diyarbəkirdən havaya qalxan türk qırıcıları Peşmergə-İŞİD döyüşlərinin olduğu şimali İraq bölgəsi üzərində kəşfiyyat uçuşu həyata keçirirlər və hər an "vur"əmrinə hazır vəziyyətdədirlər.ANN.Az türk mediasına istinadən xəbər verir ki, bu gün Türkiyə Hava Qüvvələri Komandanlığına məxsus 8 qırıcı təyyarə şimalı İraqa - İŞİD və peşmergə döyüşləri gedən ərazi üzərində kəşfiyyat uçuşu həyata keçirib. İŞİD-lə peşmərgə arasındakı Ərbil şəhərinə 40 km-lik ərazidə gedən döyüşlər daha böyük vüsət alır. İŞİD-in şimalı İraqda yerləşən və PKK-nın nəzarəti altında olan Mahmur bölgəsinə doğru irəliləməsi Türkiyəni hərəkətə gətirib.Ötən gün Türkiyəyə məxsus "F-16" döyüş təyyarəsi kəşfiyyata göndərilmişdi. Ötən 24 saat ərzində adıçəkilən əraziyə həm pilotsuz təyyarələr (İHA), həm də "F-16" döyüş təyyarələri göndərən Türkiyə Hava Qüvvələri bölgədə yaşananları nəzarətsiz qoymur. Türk qırıcılarının tam halda silahlı olduğu və hər an "vur" əmrini yerinə yetirə biləcəyi vəziyyətdə olduğu deyilir.ANN.Az