Super dövlətdə işçi çatışmazlığı: Fəhlə və tibb işçisi axtarırlar

Yaponiyaya bəzən Avropa dövlətləri, ABŞ-da, Kanadada da həsəd aparırlar. Amma buranın da öz problemləri var.

Bizimyol.info xəbər verir ki, Yaponiya işçi çatışmazlığından ciddi əziyyət çəkir. Xüsusilə tikinti və xidmət sektorlarında böyük boşluq nəzərə çarpır.
Keçən il Asiyanın super dövlətində 428 şirkət fəaliyyətini dayandırıb. 2018-ci illə müqayisədə 9 faiz yüksək göstərici qeydə alınıb.
Problem ondadır ki, yapon gəncliyinin dünyaya baxışı dəyişib. Heç kim fəhlə və ya kiçik tibb işçisi yerində olmaq istəmir. Yapon gənclər informasiya texnologiyalarına, hüquq və maliyyə sahələrinə böyük maraq göstərir.
Boşluğu miqrantlar doldurmalıydı. Amma gələnlər dil və başqa ciddi tələblər qarşısında aciz qalır. Nisbətən savadlı miqrant kəsim isə informasiya texnologiyalarında özünü sınamaq istəyir. Bu sahəyə isə yaponlar arasında onsuz da böyük tələb var. Miqrantlara heç yer qalmır.
Tibb işçilərinə çox ehtiyac var. İldən-ilə yaşlıların sayı artır. Onlara qulluq edən lazımdır. İş asan və heç də təmiz deyil. Üstəlik, maaşı da Yaponiya meyarları ilə yüksək adlandırmaq olmaz.

www.anews.az