Türkmənistanda koronavirusa məhəl qoymurlar

Türkmənistanda koronavirusa nəinki ciddi yanaşmırlar, hətta infeksiyanın adını çəkmək qadağandır. Asiya ölkəsi virusa açıq-aşkar məhəl qoymur.

Bizimyol.info xəbər verir ki, Türkmənistanda milli futbol çempionatını bərpa etmək qərarına gəliblər. Mövsüm aprelin 19-da davam etdiriləcək. Oyunlara martın 24-də ara verilmişdi.
Keçmiş SSRİ respublikalarından Belarusda çempionat, ümumiyyətlə, dayandırılmamışdı. Dünyanın xeyli dövləti bu ölkənin milli birinciliyinin yayım hüququnu əldə etməyə tələsmişdi. Türkmənistan da Belarusa qoşulmaq qərarı verib. Azarkeşlərə tribunada yer almağa qadağa qoyulmur.
Yalnız 4 ölkədə milli futbol çempionatı davam edir. Burundidə, Tacikistanda və Nikaraquada yarışı dayandırmayıblar.
"Reporters Without Borders” təşkilatı bir neçə gün əvvəl Türkmənistanda "koronavirus” sözünün qadağan edildiyini yaymışdı. Hüquq müdafiəçilərinin fikrincə, məqsəd ölkədə COVİD-19 ilə bağlı həqiqəti gizlətməkdir.

www.anews.az