Belarus hökuməti prezident elan edilmiş Aleksandr Lukaşenko qarşısında istefa verib.
Anews.az xəbər verir ki, bu barədə məlumatı "BELTA” yayıb.
Qeyd edilib ki, prosedur prezident elan olunduqdan əvvəl formal qaydada Belarus Konstitusiyasının 106-cı maddəsi və "Belarus Respublikasının Nazirlər Şurası” haqqında qanununa əsasən keçirilib.
Xatırladılıb ki, avqustun 9-da Belarusda prezident seçkiləri keçirilib. İllər sonra ölkədə böyük maraqla qarşılanan seçkilərdə, yekun nəticələrə görə, hazırkı Prezident Aleksandr Lukaşenko 6-cı dəfə qalib olub. Bunun nəticəsində ölkənin bir sıra bölgələrində kütləvi dinc etirazlar başlayıb. Polislə qarşıdurmaya çevrilən nümayişlərdə minlərlə insanın saxlanıldığı, 1 nəfərin öldüyü, onlarla insanın yaralandığı bildirilir. Müxalifətdən olan A.Lukaşenkonun əsas rəqibi Svetlana Tixanovskaya güc strukturlarına üz tutaraq xalqa qarşı güc tətbiq etməməyə çağırıb. Etirazlar fonunda ölkənin MSK sədri Lidiya Yermoşına Hökumət evindən təxliyə edilib. Seçkilərdən 2 gün sonra S.Tixanovskaya təhlükəsizlik məqsədilə ölkəni tərk edərək Litvaya üz tutub.
www.anews.az
Foto
Video
