“Apple”ın bazar dəyəri ilk dəfə 2 trilyon dolları ötüb
20.08.2020 20:00
ABŞ-ın texnologiya nəhəngi "Apple”ın bir səhminin dəyəri çərşənbə günü beynəlxalq birjalarda 1,3% artaraq 468,4 ABŞ dollara yüksəlib.
"Report” xarici mətbuata istinadən xəbər verir ki, beləliklə də bir səhminin dəyəri ilin əvvəlinə görə 57% artan "Apple”ın bazar dəyəri 2 trilyon ABŞ dolları ötüb.
Qeyd edək ki, bu ilin aprel-iyun dövrünü əhatə edən III rübdə şirkətin xalis mənfəəti 11,2 milyard ABŞ dolları (illik müqayisədə 12% çox), gəlirləri 59,6 milyard ABŞ dolları (11% çox), şirkətin hər səhm üzrə qazancı 2,58 ABŞ dolları (18,3% çox) təşkil edib.
Hesabat dövründə "Apple”ın smartfon və planşet satışları da artıb. Belə ki, "iPhone” satışları 1,7% artaraq 26,4 milyard ABŞ dollara, "iPad” satışları isə 31% artaraq 6,6 milyard ABŞ dollara, "Mac” satışları isə 21,6% artaraq 7,1 milyard ABŞ dollara çatıb.
www.anews.az
Youtube
Bizi Youtube-da izləyin
Oxşar xəbərlər
Oxşar xəbərlər
Foto
Video
