İrəvanda aksiyalar başladı

Tariflərin artımına etiraz edənlərlə polis arasında qarşıdırma yaşanıb

İrəvanda energi tariflərinin qaldırılmasına görə etiraz aksiyası keçirilir. 

ANS PRESS-in Ermənistan mətbuatına istinadən verdiyi məlumata görə, aksiyada polislə etirazçılar arasında qarşıdurmalar yaşanır. 

Polis etirazçıların Kommunal Xidmətlərin Tənzimlənməsi Komissiyasının binası qarşına keçməsinin qarşısı almağa çalışır. Etirazçılar isə polis səddini yararaq binaya girməyə can atır. Polis iki aksiya iştirakçısını saxlayaraq maşına mindirərək hadisə yerindən aparmaq istəyib. Ancaq etirazçıların maşının yolunu kəsmisi buna mane olub. 

Qeyd edək ki, Ermənistanda avqust ayının 1-dən elektrik enerjisi tariflərinin 10 faiz artımı nəzərdə tutulub.

ANN.Az