Toyda görülməmiş hadisə - FOTO

Türkiyədə keçirilən toylardan biri olduqca maraqlı anları ilə yadda qalıb.ANS PRESS-in məlumatına görə, Trabzonun Sürmənə rayonundakı restoranların birində təşkil edilən toy mərasimində gəlinlə bəyi balıqçı qayığına mindirərək havaya qaldırıblar. Restoran sahibinin ideyası ilə 3 metr uzunluğunda olan qayıq polad zəncirlərlə restoranın tavanına bərkidilib. Qayığın irəli-geri hərəkət etməsi üçün xüsusi qurğu da quraşdırılıb ki, bunun vasitəsilə qayıq 6 metr hündürlükdən 15 metr məsafədə aşağıya doğru hərəkət edə bilir. Həyata keçirilən bu ideya toy iştirakçıları ilə yanaşı, bir çox insanı heyran edib. "Dəyişikliklər həmişə böyük şəhərlərdə meydana çıxır, sonra isə bizə gəlirdi. Bu dəbi isə biz çıxartdıq, indi bizdən digər şəhərlərə yayılacaq" - deyə, restoran sahibi İsmail Kılıç bildirib.ANN.Az