Ermənistanda səfərbərlik elan edilə bilər

Ermənistanın Vətəndaş Cəmiyyəti liderləri ölkədə səfərbərlik elan olunmasının vacibliyinə diqqət çəkirlər. ANS PRESS-in Ermənistan mətbuatına istinadən verdiyi məlumata görə, onlar Qazaxıstan prezidenti Nursultan Nazarbəyovun Astanada keçirilən Avrasiya İqtisadi Birliyinin yaradılmasına həsr edilmiş toplantıda Ermənistanın quruma Dağlıq Qarabağsız üzv olmasının vacibliyi ilə bağlı səsləndirdiyi bəyanatdan sonra ölkələri üçün real təhlükə yarandığını hesab edirlər. Tiqran Xızmalyan adlı siyasətçi Astanada səslənən fikirlərin Ermənistan üçün ölümcül təhlükə daşıdığını bildirib: “Mən heyrətlənirəm ki, heç kim Ermənistanın qısa müddət ərzində Avrasiya Birliyinə üzv olunmaq şərtinə reaksiya göstərmədi. Biz əvvəllər İndi ruslar yeni addımlar atmaq üçün bizi qurban verməyə qərar veriblər. Astana toplantısından sonra Ermənistan və Qarabağ üçün ciddi təhlükə yarandığı məlum oldu”. Xatırladaq ki, Astanadakı toplantıda Qazaxıstan prezidenti Nursultan Nazarbayev deyib ki, "Biz Azərbaycan prezidentinin məktubunu almışıq. Bütün prezidentlər alıb. Ermənistan Ümumdünya Ticarət Təşkilatına BMT tərəfindən tanınmış beynəlxalq sərhədləri çərçivəsində üzv qəbul olunub və indi də qaydalar Ermənistan ərazisinə bu prinsiplə şamil edilməlidir. Biz bunu bu gün həll etməyək, sadəcə müzakirə üçün deyirəm. Biz bütün sualları bağlamalıyıq ki, biz necə edirik. Razıyıq, elədirmi? Onda birinci məsələ üzrə qərar var". Nazarbayev deyib ki, bu şərtlərin olmaması rəsmi Bakının xoşuna gəlməyəcək. "Əks halda bu, Azərbaycandan olan bir dostumuzu qıcıqlandıra bilər".Nazarbayevin bu bəyanatından sonra Sarkisyanın israrla baxdığı Vladimir Putinin heç bir reaksiya verməyərək jurnalı vərəqləməsi jurnalistlərin diqqətindən yayınmayıb. Bundan sonra Sarkisyan iyunun 15-dək Ermənistanın təşkilata qoşulacağını deyib. Vladimir Putin isə İttifaqın yaranmasını "ilin hadisəsi" adlandırıb.ANN.Az