Bu gün Suriyada prezident seçkiləri keçiriləcək

 İyunun 3-də Suriyada prezident seçkiləri keçiriləcək.APA-nın RİA Novosti agentliyinə istinadən verdiyi xəbərə görə, seçkilərdə 3 namizəd iştirak edir. Hazırki prezidenti Bəşər Əsəd ilə prezident postu uğrunda 45 yaşlı solçu deputat Mahir Abdul və  54 yaşlı sabiq nazir, iş adamı Həsən ən-Nuri mübarizə aparacaqlar. Prezident seçkilərində qalib gəlmək üçün namizədlərdən hər hansı biri 50 faizdən çox səs toplamalıdır. Əks halda, daha çox səs toplayan iki namizəd ikinci turda görüşəcək. Qeyd edək ki, 2014-cü ilin martında Suriya parlamenti ölkə tarixində ilk dəfə olaraq, bir neçə nəfərin prezident seçkilərində iştirak etməsinə imkan verən qanun layihəsini təsdiqləyib.ANN.Az